லெபனான்: உள்நாட்டுக் குழப்பத்தால் பிரதமர் ராஜினாமா!

on 23 March 2013.

	இரண்டு வருடங்களுக்கு முன், கூட்டணிக் கட்சிகளின் துணையுடன் மத்திய கிழக்கு நாடான லெபனானின் பிரதமராக நஜிப் மிகாடி ஆட்சிப்பொறுப்பில் அமர்ந்தார். தற்போது இங்கு உள்நாட்டுக் குழப்பம் ஏற்பட்டுள்ளது. இதன் காரணமாக இவர் நேற்று தனது பிரதமர் பதவியை ராஜினாமா செய்தார்.

தனது ராஜினாமா முடிவை அந்நாட்டு தொலைக்காட்சியில் தெரிவித்தார். இது குறித்து பிரதமரின் தகவல் அதிகாரியான பாரஸ் கிமையல் கூறியதாவது:- வரவிருக்கும் பாராளுமன்றத் தேர்தலை எதிர்நோக்கும் விதமாக அரசியல் அமைப்பிற்கு உட்பட்ட ஒரு குழுவினை அமைத்து பிரதமரின் தலைமையிலான அமைச்சரவை செயல்பட முயற்சிக்கவில்லை.

பிரதமர், அரசியல் அமைப்பினை மதித்து நடக்க வேண்டும் என்பதால், இந்த நிலையில் அவரால் தொடர்ந்து செயல்பட முடியாது. மேலும், உள்நாட்டு பாதுகாப்பு அமைப்பின் தலைமைப் பொறுப்பில் இருக்கும் அஷ்ரப் ரபியின் பதவி நீட்டிப்பு குறித்தும் அமைச்சரவையில் பிரச்சினைகள் எழுந்தது. இதற்கு முடிவு ஏற்படாததால் பிரதமர் தனது ராஜினாமா செய்துள்ளார் என்று தெரிவித்துள்ளார்.

News :Source

eutamilar thanks