சிறுமி பலாத்கார சம்பவத்தால் டெல்லியில் பதற்றம்; 144 தடை உத்தரவு

சனி, 20 ஏப்ரல் 2013

FILE

டெல்லியில் சிறுமி பாலியல் வன்கொடுமைக்கு ஆளாகியுள்ள நிலையில், பல்லாயிரக்கணக்கான பொதுமக்கள் காவல்துறை தலைமையகத்தை முற்றுகையிட்டு ஆர்பாட்டத்தில் ஈடுபட்டுள்ளனர். இதனால் டெல்லியில் பெரும் பதற்றம் நிலவுகிறது. இதனால் டெல்லியில் 144 தடை உத்தரவு, பிறப்பிக்கப்பட்டுள்ளது.

டெல்லி காந்தி நகர் பகுதியைச் சேர்ந்த 5 வயது சிறுமி, கடந்த 15-ஆம் தேதி வீட்டிற்கு அருகே விளையாடிக் கொண்டிருந்த போது காணாமல் போனார்.

பின்னர் கடந்த 17-ஆம் தேதி, அந்த சிறுமியின் வீட்டிற்கு கீழ் இருந்த மற்றொரு வீட்டில், உடல்நிலை மிகவும் பாதிக்கப்பட்ட நிலையில் கண்டுபிடிக்கப்பட்டார். அவரது உடலின் பல பாகங்களில் காயம் இருந்தது கண்டுபிடிக்கப்பட்டது.

இதனையடுத்து சிறுமியின் பெற்றோர் காவல்துறையில் புகார் அளித்தனர். இப்புகாரை அடுத்து அந்த சிறுமியை காவல்துறையினர் தயானந்த் மருத்துவமனையில் அனுமதித்தனர். சிறுமியின் உடலில் பலத்த காயங்கள் இருந்ததை அடுத்து சிறுமி டெல்லி எய்ம்ஸ் மருத்துவமனைக்கு மாற்றப்பட்டார்.

எய்ம்ஸ் மருத்துவமனையில் அவருக்கு அவசர அறுவை சிகிச்சை செய்யப்பட்டது. அறுவை சிகிச்சைக்கு பின்னர் சிறுமி மெல்ல குணமடைந்து வருவதாக டாக்டர்கள் தெரிவித்துள்ளனர்.

இந்நிலையில், சிறுமிக்கு நேர்ந்த வன்கொடுமை சம்பவத்தில் உரிய நேரத்தில் கடமையை செய்யத் தவறிய டெல்லி காவல்துறை ஆணையரை பதவி நீக்கம் செய்ய வேண்டும் என்று ஆயிரக்கணக்கான மக்கள் டெல்லி காவல்துறை தலைமையகத்தின் முன்னர் போராட்டத்தில் ஈடுபட்டு வருகின்றனர்.

இதனையடுத்து, டெல்லியில் 144 தடை உத்தரவு பிறப்பிக்கப்பட்டுள்ளது.

tamil.webdunia thanks