இந்தியாவில் டொமைன் நேம்களின் மிகப் பெரிய வினியோகஸ்தரான டைரக்டி குழுமம் டாட் இன் டாட் நெட் (.IN.NET) என்ற புதிய இன்டர்நெட் முகவரியை அறிமுகப்படுத்தியுள்ளது.
அதாவது முகேஷ்அன்ட்சன்ஸ்.இன் அல்லது .காம் என்று பதிவு செய்வதற்கு பதிலாக முகேஷ்.இன்.நெட் என்று பதிவு செய்யலாம். உலக அளவில் இன்டர்நெட்டை அதிகமாகப் பயன்படுத்தும் நாடுகளில் இந்தியா 3வது இடத்தில் உள்ளது.
இந்தியாவில் மட்டும் சுமார் 3 மில்லியன் டொமைன் நேம்கள் மற்றும் இன்டர்நெட் முகவரிகள் பயன்பாட்டில் உள்ளன. டாட் இன் டாட் நெட் முகவரியை முன்பதிவு செய்ய விரும்புவர்கள் வரும் ஜூன் மாதம் 18ம் திகதி முதல் செய்யலாம்.
இதையடுத்து ஆகஸ்ட் 1ம் திகதி முதல் முதலில் வருவோருக்கு முதல் உபசரிப்பு என்ற முறையில் டொமைன் நேம்கள் பதிவு செய்து கொடுக்கப்படும். இது குறித்து டைரக்டி குழும நிறுவனரும், சிஇஓவுமான பவின் துகாரியா கூறுகையில், வாடிக்கையாளர்களில் 65 சதவீதம் பேருக்கு தங்களுக்கு பிடித்த டொமைன் நேம் கிடைக்கவில்லை என்பது நாங்கள் சேகரித்த தகவலின் மூலம் தெரியவந்துள்ளது.
அதனால் அவர்கள் கிடைத்த டொமைன் நேம்களை பெற்று பயன்படுத்தி வருகின்றனர். இப்படி நேம்களுக்கு பஞ்சமில்லாமல் அனைத்து இந்தியர்களும் தங்களுக்கு பிடித்த நேம்களை குறைந்த விலையில் வாங்கி பயன்படுத்த வேண்டும் என்பது தான் எங்களின் குறிக்கோள் என்றார்.
newindianews thanks | 
வரும் ஜூன் மாதத்தில் இந்தியாவுக்கு புதிய இன்டர்நெட் முகவரி கிடைக்க உள்ளது.
No comments:
Post a Comment