அமெரிக்காவில் மூக்கு வழியாக மது போதை ஏற்றும் இளைஞர்கள்

[ திங்கட்கிழமை, 03 யூன் 2013,

மதுவை குடிப்பதற்கு பதிலாக மூக்கு வழியாக போதை ஏற்றும் கலாசாரம் அமெரிக்க இளைஞர்களிடையே பெருகி வருகிறது. பிராந்தி, விஸ்கி போன்ற மது பானங்களை குடிப்பதன் மூலம் போதை தலைக்கேறுகிறது. எனவே, அவற்றை இளைஞர்கள் முதல் பெரியவர்கள் வரை அருந்துகின்றனர். ஆனால், அமெரிகாவில் உள்ள குடிகார இளைஞர்கள் ஒருபடி மேலே போய் குடிப்பதற்கு பதிலாக மூச்சு காற்று மூலம் மது போதை ஏற்றும் கலாசாரத்தில் ஈடுபட்டு வருகின்றனர். உலர்ந்த ஐஸ் கட்டியின் மீது மதுவை ஊற்றும்போது அதில் இருந்து ஆவி வெளியாகும். அதை அப்படியே மூக்கு மூலம் உறிஞ்சுகின்றனர். இதனால் அதிக அளவு போதை ஏறுவதாக தெரிவிக்கின்றனர். இதுபோன்ற கலாசாரம் கல்லூரி மாணவர்கள் மற்றும் மாணவிகளிடம் பெருமளவில் பரவி வருகிறது. ஆனால், இந்த பழக்கம் உடல் நலத்துக்கு மிகவும் தீங்கானது என டாக்டர்கள் தெரிவித்துள்ளனர். மூச்சு காற்று மூலம் மதுவின் ஆவியை சுவாசிப்பதால் நுரையீரல் பாதிக்கப்படும். அதேவேளையில் கல்லீரலிலும் அதன் பாதிப்பு தாக்கம் ஏற்படும் என்றும் எச்சரித்துள்ளனர். newsonews thaanks