அமெரிக்காவின் இராணுவ இரகசியங்கள் அடங்கிய வலைதளத்தில், 20க்கும் மேற்பட்ட போர் விமானங்களின் மாதிரி நகல்களை சீன பொறியியலாளர்கள் திருடியுள்ளது தற்போது தெரியவந்துள்ளது.
அமெரிக்காவின் இராணுவ இரகசியங்கள் அடங்கிய முக்கிய வலைதளத்தில், அந்நாட்டு போர் விமானங்களின் மாதிரி வடிவம் கொடுக்கப்பட்டுள்ளது.
இந்த வலைதளம் அந்நாட்டு இராணுவ உயர் அதிகாரிகள் மட்டுமே காணும் வகையில் பலத்த பாதுகாப்புடன் வடிவமைக்கப்பட்டுள்ளது.
இந்நிலையில் இந்த வலைதளத்தை சீன மென்பொறியாளர்கள் ஹேக் செய்துள்ளனர். மேலும் அதிலிருந்து 20க்கும் மேற்பட்ட முக்கிய போர் விமானங்களின் மாதிரி நகல்களை திருடிய விவரமும் வெளியாகியுள்ளது.
இத்தகவலை அமெரிக்காவிலிருந்து வெளிவரும் அமெரிக்கா போஸ்ட் நிறுவனம் வெளியிட்டுள்ளது. இதன் மூலம் அந்நாட்டு விமானங்களில் பயன்படுத்தப்படும் அதிநவீன யுக்திகளை தெரிந்து கொள்வதோடு, அவற்றை செயலிழக்கச் செய்யும் ஆய்விலும் சீனா ஈடுபடக் கூடும் என அஞ்சப்படுகிறது.
இதே போல் அவுஸ்திரேலியாவின் உளவுப்படை அலுவலம் மற்றும் அதிகாரிகள் குடியிருப்பின் மாதிரியையும் சீனா திருடியுள்ளது.
இதன் மூலம் அந்நாட்டு உளவுத்துறையில் எவ்வகை கட்டமைப்புகள் உள்ளன என்றும், அதன் செயல்பாடுகள் குறித்தும் சீனா நோட்டமிட்டுள்ளது.
மேலும் உளவுத் துறையின் வலைதளமும் ஹேக் செய்யப்பட்டுள்ளது. சீனாவின் இந்த செயலுக்கு அவுஸ்திரேலிய வெளியுறவுத் துறை அமைச்சர் பாப் கோர், கடும் கண்டனம் தெரிவித்துள்ளார்.
No comments:
Post a Comment